live tv

Be sahara...Be sar o saman....Aaj ki heer ko hai nafrat ka saamna!

Monday 25 January se "Geo" per aik naye aur jagmagati serial "Heer" shroo ho rahi hai. Mansoor Saeed aur Zafar Elahi ne isay mushtarika tor per likha hai aur iss ki direction Syed Ramish Rizvi ne di hai. Heer ka markazi kirdar aik gaon ki dosheza hai jo aik NGO ki karkun Geetee Aara ke saath mil ker gaon ki khwateen ko hunar mand bana ker unhain pairon per khara kerna chahti hai.

Iss koshish mein Heer ko gaon ke mardon ki zabardust mukhalifat mol lena paray gi. Kia Heer ko iss jang mein gaon ke saath saath apnay pyar Ibrahim ko bhi chor ker jana paray ga kiyunkay Ibrahim gaon ke chaudary ka bateeja hai.

"Heer" ki kahani gaon se nikal ker shehar ki roshnion main khoh janay wali larki ki kahani hai. Dekhna yeh hai kay Ibrahim ko Heer milay gi ya shehar main Geetee Aara ka beta Aabiz, Heer ki zulfon ka aseer ho jaye ga.