Atiqa Odho, Waseem Abbas, Samina Ahmed aur Fazila Qazi jaisay senior funkaron ki mojoodgi main naye funkaron ke liye kisi dramay main apni shanakht banana waisay to bara mushkil kaam hota hai magar her Wednesday ki shab 8:00 baje paish honay walay serial "Iss Khamoshi Ka Matlab" main inn senior funkaron ke hotay huway Sundas Tariq, Aiman Khan, Ali Ansari, Alia, Asad Siddiqui aur Shamim Ansari ka kaam bhi pasand kia ja raha hai, saath hi saath Hina Dilpazeer, Saba Faisal aur Yasira Rizvi bhi "Geo" ke iss serial main bohat jald apni mazboot chaap bithanay main kamyab ho gaye hain.

"Iss Khamoshi Ka Matlab" ki kahani aur manzar kashi ke saath saath inn dinon iss ka title song bhi bohat maqbool ho raha hai jisay Fasih Bari Khan ne likha hai. Ye song na sirf dramay ke markazi khayal se hum-aahung hai balkay aksar pyar main doobay dil isay apni ring tone bana rahe hain.