"Geo" se har Monday aur Tuesday ki raat 10 baje nashar kiye janay walay dramay "Sangdil" main soteli behno Soofia aur Zobia ke darmian jari rishton ki jang main dolat ke jhagray bhi hain aur mohabbat ki pecheedgian bhi. Asad Jabal ki hidayat main jari yeh drama apni inn hi ranga rang dilchuspion aur haqeeqat se qareeb tareen kahani ke bais khoob maqbool ho raha hai. Ghuzashta dino "Sangdil" ke set per iss soap main Rohan ka kirdar ada kernay walay funkar Saqlain Bashir ne aik mulaqat main bataya ke "Geo" ki iss paish kash main woh Rohan ka kirdar ada ker ke zabardust maqbooliat pa rahe hain. Unhon ne bataya ke woh Rawalpindi ke rehnay walay hain aur do baras se funni masroofiat ke bais Karachi  Main muqeem hain.