Mor Mahal

Intizar ki gharian khatam hoeyn, “Geo” ne apnay mega drama serial “Mor Mahal” ko nashar kernay ka elan ker dia hai. Mughal dour, yunani aur turk tehzibon ki tarikhi akasi kerta yeh heavy budget serial Sunday 24 April ki raat 8 baje apni pehli aur tehlka khaiz qist ke saath shroo hoga. Geo Television Network ke sadder aur takleeqi soch ke hamil “Imran Aslam” ke markazi khayal ko “Sarmad Sehbai” ne dramai shakal main dhala jabkay mashoor-o-maroof hidayat kar “Sarmad Khoosat” aur “Babar Javed” ne “Mor Mahal” ki shakal main iss bohat baray serial ko haqeeqat ka rang de ker “Geo” ki screen ki zeenat banaya hai. Iss dramay ki khaas baat yeh hai ke iss main na sirf mashoor-o-maroof adakar nazar aayen gain balkay naye cast ka imtizaj bhi “Mor Mahal” ko nazreen main maqbool bananay ka sabab bannay wala hai. Iss ke ilawa sab se eham aur munfarid iqdam yeh bhi hai ke qadeem-o-tarikhi ehmiat ko mutasir kiye baghair jaded tareen technology ka istimal intihai maharat se kia gaya hai.