Sila-Aur-Jannat-Gossip

Sagay aur sotailay rishton ke beech jari jaidad, mohabbat aur ghareloo ikthiarat ke hasool ki jang ka haqeeqat se qareeb tareen medan inn dinon rozana shaam 7 baje “Geo” se paish honay walay silsilay “Sila Aur Jannat” main sajta hai. Taza qist main Saturday ki sham Saim aur Mehak apni soteli maa Saba se tang aa ker apni dadi ko dhoka detay huway begair kisi itlaa ke apni maa ke ghar pohonch ker bara surprise dain gain.

Iss waqiye ke baad dadi ko Saba per mazeed ilzam tarashi aur mazalim ka mauqa haath aaye ga. Taham doosri taraf Saim aur Mehak ki maa bohat khush dikhaye de gi. Mehak aur Saim ne apni soteli behnon Sila Aur Jannat  ke khilaf bhi naye sazish bun li hai. Taaza qist main Saba, Saim ki chori wali video dadi aur Zaman ko dikha ker sab ke hosh uranay wali hain.